“Бавария” ярим ҳимоячиси Бастиан Швайнштайгер “Манчестер Юнайтед”га кўчиб ўтиши мумкинлиги ҳақида тарқалган хабарларни инкор этди. 

Хавбек мунтазам ўйин амалиётига эга бўлишни истаётгани ва Мюнхен клуби билан янги совринлар олиш асосий мақсади эканини таъкидлади.

– Ўзимни яхши ҳис қилаяпман ва яна уч йил юқори савияда ўйнай оламан. Асосий мақсадим футболчиликни давом эттириш, – дея Швайнштайгер сўзларини келтиради Спорт Экспресс. – Чемпионлар Лигасида яна бир бор ғолиб бўлишни истайман. Баъзилар футболчи ЕЧЛ ва ЖЧда ғалаба қозонса, ғалабага чанқоқлик йўқолади деб ҳисоблашади. Лекин менда бундай ҳиссиёт йўқ.