Россияда янги мавсумга старт берилди. Анъанага кўра, мавсумни мамлакат суперкубоги учун очиб берди. Унда мамлакатнинг амалдаги чемпиони “Зенит” ва Россия кубоги соҳиби “Локомотив” (Москва) тўқнаш келишди.

Ўйиннинг 28-дақиқасида “темирйўлчилар” ҳужумчиси Ниассе ҳисобни очган бўлса, баҳс тугашига 7 дақиқа қолганида Смольников ҳисобни тенглаштирди. Қўшимча бўлимларда ҳам ҳисоб ўзгармади. Пенальтилар сериясида эса омад санкт-петербургликлар томонида бўлди. “Локомотив”дан Григорьев ва Чорлука дарвозани ишғол қила олишмади.

Виталий Денисов асосий таркибда майдонга тушиб, 120 дақиқа давомида майдонда ҳаракат қилди. У пенальтилар сериясида қатнашмади.

Россия Суперкубоги
Зенит – Локомотив 1:1 (0:1, 1:0, 0:0, 0:0). Пенальтилар бўйича - 4:2
Голлар: 0:1 – 28 Ньяссе, 1:1 – 83 Смольников.
Зенит – Лодигин, Смольников (Ансальди, 120), Нету, Ломбертс, Кришито, Шатов, Юсупов (Рязанцев, 64), Гарсия, Витцель, Дзюба (Рондон, 64), Халк.
Локомотив – Гильерме, Шишкин, Чорлука, Денисов, Пейчинович, Миранчук, Коломейцев, Майкон (Григорьев, 97), Тарасов (Михалик, 91), Касаев (Самедов, 76), Ньяссе.
Огоҳлантиришлар: Касаев (43), Гильерме (54), Тарасов (75), Рондон (90), Кришито (93), Халк (96), Нету (105), Коломейцев (120).