"Реал” клуби бош мураббийи Рафаэл Бенитес жамоа ҳужумчиси Криштиану Роналду билан ўрталарида ҳеч қандай зиддият йўқлиги ҳақида айтиб ўтди.
“Криштиану билан бирга ишлаб, ундаги ғалабага бўлган ирода ва ғолиблик руҳи қанчалик кучли эканлигига ишонч ҳосил қилиш мумкин.
Жамоадаги барча футболчилар мана шундай иштиёққа тўла бўлишларини истардим. Менинг Роналду билан муносабатларим худди бошқа футболчилар каби. Ҳар куни мулоқотда бўламиз. Ортиқча гап-сўз бўлиши ҳам мумкин эмас. Албатта, одамлар турли миш-мишларни тарқатаверишади. Аммо буларнинг ҳаммаси беҳуда гаплар”, - дейди Бенитес.
