Матбуот анжуманининг иккинчи қисмида “Андижон” бош мураббийи Эдгар Гесс ўйин ҳақида ўз фикрларини билдириб ўтди.
-Бугун иккала жамоа ҳам ёмон ўйин кўрсатгани йўқ. Вазиятлар кўп бўлди. Тепган тўпларимиз рақиб дарвозаси устунига тегди. Бир сўз билан айтганда, қизиқарли ўйин бўлди. Бугун Анвар Бердиев, Предраг Вуйович, Асқар Жадигеров, Темур Васильев каби етакчи футболчиларимиз бизга етишмади. Улар таркибда бўлишганда бошқа ўйин кечарди. Қизиғи, иккинчи давра бошланишига икки кун қолганда уларни ўйнашига рухсат беришмади. Бунга ҳайрон қолиш мумкин. Шунинг учун бу таркиб билан биринчи марта майдонга тушдик. Тиббиёт марказини айтишича, учта футболчимизда соғлиғи билан боғлиқ муаммо бор экан. Албатта, яхши ўйин намойиш этиб мағлубиятга учраш аламли.
- Жамоангиз рақиб дарвозасига 13 бор зарба берган бўлса шулардан биттаси мўлжалга аниқ борди. Буни қандай изоҳлайсиз?
-Буни ёмон дея олмайман. Европанинг гранд клуби “Манчестер Юнайтед”нинг ўйинини кўргандим. Ўшанда “МЮ” футболчилари  дарвозага 28 бор зарба йўллашган бўлса, шундан 4 таси аниқ борди. Бундай ҳолатлар футболда бўлиб туради.