“Челси” бош мураббийи Жозе Моуриньо Англия Суперкубогидан сўнг нима сабабдан “Арсенал” устози Арсен Венгернинг қўлини дўстона сиқиб қўйишни истамаганига тўхталиб ўтди.
“Бу воқеа баҳс-мунозара юритишга арзимайди. Масалан, сиз кўчада кетаётганингизда ҳамма билан ҳам саломлашиб ёки қўл бериб кўришишга мажбур эмассиз. Спорт клубида эса вазият бироз бошқача.
Суперкубок ўйини вақтида мен ўйинчилар, жамоа, ғалаба ва стадион ҳақида ўйладим. Аммо мен агар мураббий ҳамкасбининг қўлини сиқиб қўйишни хоҳламаса, бунга ўзини мажбур қилиши керак деб ҳисобламайман”, - дея sports.ru Моуриньо сўзларини келтиради.
