"Реал" бош мураббийи Рафаэль Бенитес Audi Cup турнирида "Бавария"дан учралган мағлубиятдан сўнг (0:1) жамоа футболчилар Пепе ва Гарет Бэйлни аяганини маълум қилди.
Учрашувда Бэйл қатнашмаган бўлса, Пепе 16-дақиқада алмаштирилди.
"Пепеда кичик шикастланиш бор эди. Шунинг учун жароҳатдан хавсираб уни алмаштирдик. Бэйл? Ики кунда икки учрашувда ўйнаш - биз таваккал қила омлмасдик. Бир хил таркибни тушириш тўғри келмайди. Биз ўнг қанотни мустаҳкамлаш учун Данилони туширдик. Биз учун муҳими - ўйинчилар. Мақсадимиз таркибни ҳимоя қилиб, ишлашда давом этиш", - дейди Бенитес.
