"Челси" бош мураббийи Жозе Моуриньо испаниялик ҳужумчи Диего Костанинг ҳолатидан ташвишда эканини маълум қилди.
"Коста ҳали тайёр эмас. Бу мен учун ҳам, унинг учун ҳам яхши эмас. Тўғрисини айтсам, бундан ташвишдаман. Агар ўйинчингиз ўтган мавсумни якунлай олмаган бўлса, бунинг устига янги мавсум стартини ўтказиб юборса, хурсанд бўлмайсиз.
Йигит тиришмоқда, амми "Барселона"га қарши ўйинда унда муаммолар бўлди. Суратлар жароҳатни кўрсатмади, шунинг учун Диего кейинги куни машғулотда иштирок этди. Аммо бир кун этиб, у оғриқ сезди.
Гапларим ёлғон бўлишини истамайман. Ўтган дам олиш кунлари олдидан, сизлар мендан унинг тайёрлигини сўраган эдингиз, мен "ҳа" дегандим. Шунинг учун жума кунги матбуот анжуманида Диего Коста ҳақида ҳеч нарса демайман", - дейди Моуриньо.