Олий лиганинг 17-турида жамоамиз "Қўқон-1912"ни қабул қилади.

Қўқонликлар билан сафарда ўтган беллашувда "Пахтакор" дуранг ўйнаганди. Шу сабабли Тошкентдаги ўйинда футболчиларимиз ишқибозларни ғалаба билан хурсанд этиш одатдагидек бор кучларини ишга солишлари табиий. Рақиб таркибида ёзги танаффус даврида катта ўзгаришлар рўй бермади.

Жамоалар олий лигада 19 бор тўқнаш келишган. Жамоамиз 11 марта ғолиб бўлган, 3та ўйинда дуранг қайд этилган. Қўқонликлар ҳисобида 5 ғалаба мавжуд. Тўплар нисбатида устунлик “Пахтакор” тарафида - 55:32.

Бу жамоаларнинг Тошкентда ўтган ўйинларида “Пахтакор” 8 бор зафар қучган. “Қўқон-1912” фақат бир марта (1994 йил) сафардан ғалаба билан қайтган.

Учрашувни Шерзод Қосимов бошчилигидаги ҳакамлар гуруҳи бошқариб боради. Ёшлар таркиблари беллашуви 7 август, жума куни Қибрайдаги стадионда соат 17:30да бошланади. Асосий жамоалар баҳси 8 август, шанба куни "Пахтакор" стадионида соат 19:00да старт олади.

Ўйинга чипталарни стадион кассаларидан 5 ва 15 минг сўмдан харид қилишингиз мумкин.

"ПАХТАКОР" - "ҚЎҚОН-1912"

Ҳакамлар: Шерзод Қосимов (Тошкент), Андрей Снетков (Тошкент вилояти), Ришат Нўъмонов (Тошкент), Игорь Худойдотов (Тошкент).

Назоратчи: Шамил Жумаев (Қарши).