“Атлетико” бош мураббийи Диего Симеоне трансфер ойнаси ва етакчи футболчиларнинг сотуви сабаб август ойини ёқтирмаслигини маълум қилди. 

Эслатиб ўтамиз, Европанинг бир неча клублари мадридликларнинг Коке, Облак, Годин, Гризманн ва яна бошқа футболчиларига қизиқиш билдиришган.

– Футболда август анчайин хавфли ой ҳисобланади, – дея Симеоне сўзларини келтиради “СЭ”. – Ҳушёрликни йўқотмаслигимиз керак. Кутилмаган воқеалар содир бўлмаслигига умид қиламан. Жамоа мавсумга 99 фоиз тайёр. 31-августдан 1-сентябрга ўтар кечаси эса тайёргарлик даражаси 100 % бўлади. Ҳозирча трансфер ойнаси очиқ ва ҳеч нарсани ишонч билан айтиб бўлмайди. Август ойи мен учун доим асабий ўтади.