“Севилья” президенти Хосе Кастро ўз жамоасининг УЕФА Суперкубоги учун кечган баҳсда “Барселона”дан учралган мағлубиятига муносабат билдирди.
“Мен ўзимнинг ўйинчиларим билан фахрланаман. Клуб мадҳиясида айтилганидек, “Севилья” ҳеч қачон таслим бўлмайди. Ҳатто 4:5 ҳисобида ютқазаётганимизда ҳам бизда мувозанатни тиклаш учун имконият юзага келди.
“Барселона” – жуда кучли жамоа, унинг таркибида 10та ўйинчи ва битта ўзга сайёралик тўп суради.
Биз нималарга қодир эканимизни бутун Европага исботладик. Бизда ажойиб жамоа, мураббий ва мухлислар бор”, - дея sports.ru Кастронинг сўзларини келтиради.
