Хитойнинг Уланчаб шаҳрида бокс бўйича аёллар ўртасидаги Осиё чемпионатида ярим финал жанглари бўлиб ўтди ва икки нафар боксчимиз мазкур мусобақанинг олтин медаллари учун курашни давом эттирадиган бўлди.
Жангларга тўхталадиган бўлсак, -69 кг. вазн тоифасида Шахноза Низамова хитой тайпейилик Ву Пей-Йига ҳеч қандай имконият қолдирмай, 3:0 ҳисобида мағлуб этган бўлса, +81 кг.да рингга кўтарилган Гўзал Исматова муддатидан олдин рақибаси қозоғистонлик Ляззат Кунгейбаевани таслим этишнинг уддасидан чиқиб, финалга йўл олди.
Яна икки нафар боксчимиз Ёдгорой Мирзаева (-57 кг.) ва Дилнавоз Норхўжаева (-81 кг.) ўз юришларини мазкур босқичда тўхтатиб, турнирнинг бронза медалларига сазовор бўлишди.
