"Манчестер Юнайтед" бош мураббийи Луи ван Гал АПЛнинг 2-турида "Астон Вилла" устидан қозонилган ғалабадан сўнг (1:0) фикрларини билдирди ва ягона гол муаллифи Аднан Янузайни ҳақида гапирди.

"Ғалаба қозонганимиздан жуда хурсандман. Мавсум уйдаги ва меҳмондаги ғалаба билан бошланди. Бу мавсумда меҳмонда кўпроқ очко олишга эътибор қаратамиз, менимча буни уддалаймиз.

Янузай машғулотларда ўзига ишончни қайтарди ва қўшимчасига кучайиб бормоқда. У мўъжизавий гол урди, бундан жуда хурсандман, аммо биз аниқроқ ўйнашимиз керак. Биз бир неча мартта тўп йўқотишга йўл қўйдик, бу Аднанга ҳам тегишли. Депай ҳам, Руни ҳам оддий вазиятларда тўп йўқотдилар. Шунинг учун рақиб дарвозаси олдида кескинлик ярата олмадик. Бундай ўйинларда кўплаб вазиятлар яратишимиз мумкин эди", - дейди Ван Гал.