АПОЭЛ бош мураббийи Домингуш Пасьенсия ЕЧЛ плей-оффи биринчи учрашувида "Астана"дан учралган мағлубиятдан сўнг (0:1) фикрларини билдирди.
"Биз ўйинни яхши бошламадик, аммо ёмон тайёрлангандик дея олмайман. "Астана" агрессив ўйнади ва тезкор гол урди. БУ менинг жамоамга таъсир қилди. Биз асабийлаша бошладик. Иккинчи бўлимда бир неча вазиятлардан фойдалана олмадик. Одинда жавоб учрашуви турибди, уйда ҳаммасини тўғирлаймиз.
"Астана"нинг ғалабаси гуруҳдан чиқиш имконияти кўплигидан дарак бермайди. Никосияда яна бир ўйин бор, мухлисларимиз бизни яхши қўллайдилар. Вазиятларни ҳисобга олсак, ўйин дуранг бўлиши керак эди. Яна таъкидлашни истардимки, биз сунъий қопламали майдонга кўникишда муаммога дуч келдик", - дейди Пасьенсия.
