Арсенал" бош мураббийи Арсен Венгер жамоасининг таркиби ҳақида фикр билдирди.
"Дунё футболида топ-савиядаги ҳужумчилар етишмаяпти, пул кўп - аммо юқори савиялик ўйинчилар кам. Ҳозирда Европанинг тахминан 15 клуби катта молиявий ресурсга эга, уларда пул билан боғлиқ муаммо йўқ, футболчиларини ҳам сотишга эҳтиёжлари йўқ.
Ҳозирги трансфер кампаниясида норозман дея олмайман, мен ҳар доим ўз жамоам ва ўйинчиларимнинг ривожи тарафдориман. Агар фойда келтирса, харидларга қарши эмасман. Аммо қўл остимдагилардан кучли бўлмаганларни сотиб олмайман.
Бизда эса, ҳар бир чизиқда кучли футболчилар тўпланган", - дейди Венгер.
