Арда Туран "Барселона" клуби сафига ўтгач трансфер борасидаги фейр-плей қоидаларига мувофиқ 6 ой давомида расмий учрашувларда майдонга туша олмасилиги маълум бўлиб улгурган эди. Футболчи ўзининг собиқ жамоасига айланган Диего Симьоне бошлиқ "Атлетико"ни ҳали ҳамон Ла лигадаги энг кучли ҳимояга эга жамоа сифатида баҳолади.

"Атлетико" аввал ҳам, ҳозир ҳам Ла лигадаги энг кучли ҳимояга эга. Уларни ҳимояси яхши ташкил қилинган бўлиб, улар рақиб билан курашдан қочмайди. Қолаверса, уларни ҳимоясини ёриб ўтиш учун рақиблардан юқори даражадаги ҳужум ташкил қилиш талаб этилади", - дейди "Барселона" клуби ярим ҳимоячиси.

Эслатиб ўтамиз, туркиялик футболчининг трансфери 34 миллион еврога баҳоланган. Футболчининг Туркия миллий терма жамоада қайд этган натижасини Евро-2016 саралаш гуруҳ босқичи натижалари келтирилган табломиздан билишингиз мумкин.