"Пахтакор" - "Локомотив" учрашувидан кейин ҳар жамоа бош мураббийлари матбуот анжуманида иштирок этишди.

Нўъмон ҲАСАНОВ (“Пахтакор” бош мураббийи): - “Пахтакор” мухлисларини бугунги ютуқ билан табриклайман. Ўйин кескин курашлар остида кечди. Охирги дақиқаларгача майдонда кураш борди. Натижа бизни қониқтирди. Муҳим ғалабага эришдик. Олдинда ҳали бизни қийин кечадиган баҳслар кутиб турибди. Шунинг учун хотиржамликка берилмаймиз.

Таркибда баъзи ўзгаришларни юзага келтирдик. Футболчи алмаштиришда олдиндан аниқ топиш қийин. Баъзи ҳолатларда ўйинимизда етишмаётган жиҳатларни кўриб чиқдик. Кейин ўзгартиришларни амалга оширдик.

Биринчи бўлимда олдинга чиқиб олганимиздан кейин йигитларга ҳимояда ишончлироқ ўйнаш кераклигини тушунтирдик. “Локомотив” сафида кучли футболчилар бор. Шу сабабли қарши ҳужумларга эътибор қаратдик. Иккинчи бўлимда 3-4та вазият бўлди. Улардан бирини охир-оқибат гол билан тугатдик.