Дортмунднинг "Боруссия" жамоаси ҳужумчиси Пьер-Эмерик Обамеянг бундеслигадаги чемпионлик пойгаси ҳақидаги фикрларини билдирди.
"Албатта, "Бавария" ҳамишагидек фаворит ҳисобланади. Аммо биз уларга каттагина муаммо пайдо қилдик. Биз мавсумни аъло даражада бошладик ва бундан ўзимизнинг ҳам руҳимиз кўтарилди.
Менимча, "Бавария" бу мавсумда чемпион бўла олмайди", дейди футболчи.
Маълумот учун, ушбу 26 ёшли габонлик футболчи жорий мавсумда ўтказилган 5та ўйинда майдонга тушиб, 6та гол уришга улгурди. Унинг жамоаси эса 5та ўйиндан 15 очко жамғарган ҳолда турнир жадвалида пешқадамлик қилмоқда. "Бавария"да ҳам шунча очко мавжуд, лекин тўплар нисбатига кўра мюнхенликлар иккинчи ўринда жойлашган.
