“Челси” бош мураббийи Жозе Моуриньо ЕЧЛ 2-тури доирасидаги “Порту”га қарши учрашув ҳақида тўхталиб ўтди. Эслатиб ўтамиз, португалиялик мутахассис 2002-2004 йиллар давомида “аждарлар”ни бошқарган.

“Матбуот-анжуманига келишдан олдин клуб музейига ташриф буюрдим. Дарҳақиқат музей кишини лол қолдиради. Унинг бир бўлаги бўлганимни ҳисобга олсак музейда анча ҳаяжонли дақиқаларни бошдан кечирдим. Сен жуда ҳам муҳим, катта вазифани бажарганингни ҳис қиласан. Бу кўнглимни анча юмшатиб юборди, шу сабабли мен ҳозир меҳмонхонага қайтаман ва ўзимни яна ишчан кайфиятга созлайман.

Мен бу ерда икки ярим йил фаолият юритдим ва биз ютиш мумкин бўлган барча совринни қўлга киритдик. Ушбу клуб мен учун халқаро майдонга эшик очди.

“Челси” турли сабабларга кўра Чемпионлар Лигасида ғалаба қозонишга фаворит эмас. Ҳозирча биз ўзимизни гуруҳда етакчи деб биламиз, кейинроқ вазифаларимизни белгилаб оламиз”, - дея УЕФА расмий сайтига таяниб Моуриньо сўзларини келтиради Championat.com.