Айни дамда ФИФА кунлари муносабати билан Олий лига ўйинларида кичик танаффус вужудга келди. Умуман олганда, 24-миллий чемпионат якунланишига ҳам 6 тур қолди. Бу ёғига ҳар бир очко учун қизғин кураш кечиши аниқ. Октябрь ойида “Қўқон-1912” жамоаси яна тўртта ўйин ўтказади. Буларнинг иккитаси водий дербиси мақомини олган бўлиб, ҳар иккала баҳс ҳам меҳмонда бўлиб ўтади.
Октябрь ойида кимлар билан ўйнаймиз?
Аввалига 16 октябрь куни Қўқонда чемпионлик учун курашаётган Тошкентнинг “Локомотив” клуби меҳмон бўлади. Орадан беш кун ўтиб, аниқроғи, 21 октябрь куни Наманганда “Навбаҳор” меҳмони бўламиз. 25 октябрь куни ўз майдонимизда Бекободнинг “Металлург” жамоасини қабул қиламиз. Ниҳоят, 30 октябрь куни Фарғонадаги “Истиқлол” стадионида “Нефтчи”га қарши майдонга тушамиз.
Октябрь ойида бўлиб ўтадиган ўйинлар:
25-тур
16 октябрь (жума)
Қўқон-1912– Локомотив
26-тур
21 октябрь (чоршанба)
Навбаҳор – Қўқон-1912
27-тур
25 октябрь (якшанба)
Қўқон-1912– Металлург
28-тур
30 октябрь (жума)
Нефтчи – Қўқон-1912
