Куни кеча Европа лигаси 3-тур доирасида Москванинг “Локомотив” клуби Туркиянинг “Бешиктош” жамоасига қарши майдонга тушиб, 1:1 ҳисобидаги жанговор дуранг қайд этди. Ушбу ўйиндан сўнг миллий терма жамоамиз аъзоси Виталий Денисов “Чемпионат” нашрига ўйин ҳақида ўз фикрларини билдириб ўтди.

– Четлатишга қадар ўйин тенг курашлар остида кечди. Биринчи бўлимда жамоалар таваккалга қўл уришмади. Иккинчи бўлимда эса ҳар иккала жамоа жонланишди ва вазиятлар ярата бошлашди. Биз эса биринчи бўлиб гол урдик. “Бешиктош”нинг голи қандайдир ғалати чиқди. Очиғи, ўзим ҳам тўпнинг қандай қилиб шунча ҳимоячидан ўтиб кетганига тушунмай қолдим. Ўйлайманки, Гильерме ҳам тўпни шунчаки кўрмай қолган.

Маълумот учун, ушбу ўйинда Денисов ҳар доимгидек 90 дақиқа ҳаракат қилди.