“Боруссия” Дортмунд матбуот хизмати ярим ҳимоячи Марко Ройснинг Бундеслига навбатдаги тури “Шальке”га қарши ўйинни ўтказиб юборишини маълум қилди.
Футболчи Европа Лигаси “Габала”га қарши учрашув(4:0) вақтида олган жароҳати сабаб Гельзенкирхен жамоасига қарши дерби баҳсини ўтказиб юборади.
Ройс тахминан 14 кун лазаретда даволанишига тўғри келади. Унинг терма жамоалар ўйинларидан кейин машғулотларга киришиши кутилаяпти.
Бу йилги мавсумда Марко Ройс Бундеслигада 9 учрашув ўтказиб, уларда 7 та гол ҳамда 1 голли узатмага муаллифлик қилган.
