Олий Лига-2015 баҳслари ҳам секин-аста якунланиб бормоқда.
Биласиз, чемпионлик масаласи сўнгги турда ҳал бўлади. “Пахтакор” ва “Локомотив” жамоалари ўртадаги бир очколик фарқ билан мусобақа жадвалида кетма-кет боришмоқда. Агар “шерлар” сўнгги турда қандай ҳисобда бўлмасин, ғалабага эришадиган бўлишса, “Пахтакор” ўз тарихида 11-марта Ўзбекистон чемпионига айланади.
Клуб матбуот хизматининг маълумот беришича, "Пахтакор" ва "Андижон" олий лигада жами 43 бор тўқнаш келган. Тошкентликлар 32 ўйинда ғолиб бўлган, 8 баҳсда дуранг қайд этилган, "Андижон" ҳисобида эса 3 та ғалаба бор. Тўплар нисбатида ҳам "Пахтакор" олдинда - 104:31.
Маълум бўлишича, "Андижон" ҳали Тошкентда "Пахтакор"ни мағлуб эта олмаган.
Таъкидлаб ўтамиз, ушбу жамоалар тўқнашуви ПФЛ қарорига кўра 20 ноябрдан 21 ноябрга кўчирилди. Ўйин 21 ноябрь, шанба куни соат 14:00да "Пахтакор" стадионида бўлиб ўтади.
