Хабарингиз бор, “Севинч” жамоасининг ҳужумчиси Маҳлиё Сарикова яқинда БААнинг “Ал-Ваҳда” аёллар жамоасида кўрикда бўлиб қайтганди.
“Севинч” ПФК матбуот хизматининг маълумот беришича, оёғидаги жароҳати безовта қилгач Сарикова ортга қайтишга мажбур бўлди.
- Менимча энди футболчилик фаолиятимни тугатсам керак, балки мураббийликда ўзимни синаб кўрарман. Янги мавсумгача ўйлаб кўришга вақтим бор, кейинроқ бир қарорга келарман. Шуниси аниқки, “Севинч” жамоасидаги фаолиятим ниҳоясига етди. Бу жамоада ҳаётимнинг энг ёрқин дамлари ўтди. Кўплаб ютуқларга эришдим, клуб раҳбарияти ва мураббийлардан жуда миннатдорман, – дейди Маҳлиё Сарикова.
Маълум бўлишича, Маҳлиё Сарикова кеча “Севинч” ПФК базасига келиб, барча билан хайрлашди ва Тошкентга, ўз уйига жўнаб кетди.
