Ўз вақтида "Барселона", "Реал", "Интер" ва "Милан" каби катта жамоаларда ёрқин фаолият кўрсатган бразилиялик собиқ футболчи Роналдонинг фикрича, бугунги кундаги жаҳон футболига иқтидорлар етишмаяпти.
"Италия - иқтидорлар етишмаётган ягона давлат эмас. Бутун дунё футболида иқтидорли футболчилар танқислиги юзага келган. Мен ўйнаган пайтларда вазият бошқача эди. Ҳар бир жамоада битта кучли футболчи бўлар эди ва бундай футболчиларнинг ҳар бири ўз мамлакатидаги энг яхши футболчи номига давогарлик қила оларди. Ҳозир футболчиларнинг даражаси тенглашиб қолган ва ўртамиёналашиб кетган" - дейди Роналдо Il Messaggero нашрига.
