Бекободнинг “Металлург” жамоаси кеча пойтахтимизда олий лиганинг янги аъзоси “Обод” жамоасига қарши назорат учрашувини ўтказди ва 0:2 ҳисобида имкониятни бой берди. Дебютант ҳар иккала таймда бекободликлар дарвозасига биттадан тўп киритишга муваффақ бўлди.

Ҳар иккала бўлим “Металлург” футболчиларининг устунлиги остида ўтган бўлса-да, мезбонлар вазиятлардан фойдаланишда меҳмонларга ўрнак бўлишди. Биринчи таймда жарима майдони ичида юзага келган парокандаликдан Шоҳруз Норхонов унумли фойдаланган бўлса, ўйин якунига етиб бораётган сонияларда Алишер Азизов ҳимоячилар таъқибидан қочиб кетди ва дарвозабон билан яккама якка чиқди ҳамда бўйчан Султоновнинг устидан тўпни тўрга ошириб туширди – 2:0.

«Обод» - «Металлург» - 2:0.
«Обод» футбол майдони.
Ҳакам: Вадим Агишев
«Обод»: Дилшод Ҳамроев, Жавлон Искандаров, Шаҳзод Абдурахимов, Ғайрат Умиров, Шерзод Жалилов, Фаррух Шотурсунов, Санжар Тўрақулов, Алишер Мирзаев, Шоҳруз Норхонов, Дониёр Ҳасанов, Павел Соломин.
Иккинчи таймда майдонга тушганлар: Даврон Жўрақулов, Алишер Азизов, Суҳроб Баратов, Жавоҳир Қаҳрамонов, Араик Бобоев, Шавкат Раҳматов, Азамат Шарипов, Умид Матмусаев, Шуҳрат Мажидов.
«Металлург»: Суҳроб Султонов, Мирғиёс Сулаймонов, Ҳикмат Ҳошимов, Дониёр Одилов, Мурод Тошматов, Жавоҳир Исоқулов (Озод Комилов), Фарҳод Намозов, Эргаш Исроилов, Саид Абдужабборов (Дилмурод Каримов), Аюбхон Нўъмонов, Зоҳид Абдуллаев (Муҳаммад Қаҳрамонов).