Бундеслига ўйинларида видеотакрорлар пайдо бўлиши мумкин. Бу ҳақда Bild нашри хабар тарқатган.
Германия футбол лигаси (DFL) футбол ўйинлари давомида тажриба сифатида видеотакрорлардан фойдаланишни йўлга қўйишни режалаштирган. Ҳозирча бу синов муддати 2 йил учунлиги ва кейинги мавсумдан жорий қилиниши айтилган.
Яқин вақт ичида DFL ФИФАга бу лойиҳани маъқуллашни сўраб, мурожаат қилади. Қайд этилишича, биринчилик ўйинларида қўшимча ҳакам махсус монитор орқали ўйинни томоша қилиб, бош ҳакамга қарор қабул қилишда ёрдам бериб боради.
Лига раҳбарияти бу тажриба қанчалик қўл келишини амалда синаб кўрмоқчи. Шу билан бирга бу янгилик ўйинлар темпи тушишига олиб келмаслигига умид қилинмоқда.
Бундан олдинроқ, НБАда видеотакрорларни кузатиб турувчи тўртинчи ҳакам пайдо бўлгани ҳақида хабар берилганди.
