Кеча Ғузор шаҳрида  ҳокими кубоги  турнирининг   “Шўртан-2”(Ғузор) -“Нуристон”(Нишон) жамоалари ўртасидаги баҳс бўлиб ўтди.

Учрашувда ёш ва иқтидорли дарвозабон Ғанишер Холмуродовнинг  нишонликлар таркибида майдонга тушгани биз учун кутилмаган ҳолат бўлди.

Ўзингизга маълум, Ғанишер Холмуродов Мексикада бўлиб ўтган жаҳон чемпионатида ёшларимиз терма жамоаси сафида майдонга тушиб, маҳоратини намойиш қилган эди. Ғанишер Холмуродов “Машъал” футбол академияси тарбияланувчиси ҳисобланади. Энди у мураббий Арслон Шаропов қўл остидаги  “Нуристон” жамоасида тўп сурадиган бўлди.

Ушбу учрашувни кузатар эканмиз, ўйин давомидаги Холмуродовнинг ҳаракатлари бизни жуда мамнун қилди ва воҳамизда яна  бир маҳоратли голкипер вояга етаётганидан хурсанд бўлдик.

Кейинги йилларда Ғанишер Холмуродовни катта футболда кўринмай қолганлиги сабабини сўраганимизда жамоа устози Арслон Шаропов Холмуродов билан боғлиқ суҳбатни кейинга қолдиришимни сўради. Биз албатта фурсат топиб, у билан  суҳбат уюштиришни ўз режамизга киритиб қўйдик.

Келгусида ушбу дарвозабонни олий лигамизнинг ҳар қандай номдор клублари ўз сафида кўришини ҳоҳласа ажаб эмас.

Фахриддин ЧОРИЕВ.