Футбол бўйича миллий чемпионатимиз Олий Лигасида 3-тур ўйинлари бошланмоқда.
Тур доирасидан ўрин олган қизиқарли тарзда ўтиши тахмин қилинаётган матчлардан бирида “Қизилқум” ва ва “Олмалиқ” жамоалари ўзаро тўқнаш келишади. Хўш, мазкур баҳс олдидан “Олмалиқ” жамоаси етакчиси Зоҳир Пиримов қандай фикрда? “Олмалиқ” футболчилари дастлабки 2 турдаги мағлубиятдан сўнг ғалаба учун ҳаракат қилишмоқчими? Бу ҳақдаги саволларга тажрибали ўйинчи қуйидагича жавоб берди.
- “Қизилқум” – яхши жамоа. Улар янги мавсумда ажойиб старт олишди. Навоийликларда яхши таркиб шаклланиб бораётгани кўзга ташланиб турибди. Уларга қарши баҳс осон бўлмаслиги тайин. Лекин биз ҳам бу ўйинда майдонга фақат ғалабани кўзлаган ҳолда чиқамиз. Боиси дастлабки 2 та турда мағлубиятга учрадик. Дастлаб Бухорода 2 тўп фарқи билан ютказган бўлсак, “Насаф” билан бўлган уй ўйинида ҳам рақибга кучимиз етмай қолди. Энди “Қизилқум” билан баҳс юритамиз. “Қизилқум” ўз уйида яхши ўйин намойиш этади. Умид қиламанки, бу ўйинда 3 очкога эга чиқамиз ва мухлисларимизни хурсанд этамиз, - дейди тажрибали футболчи SPORTS.uz интернет-портали мухбирига.
Таъкидлаб ўтамиз, “Қизилқум” – “Олмалиқ” учрашуви 2 апрель куни бўлиб ўтади
