Кеча ўтказилган Олий лиганинг 5-турида "Сўғдиёна" жамоаси сафарда "Нефтчи" устидан 0-1 ҳисобида ғалаба қозонди. Ўйиндан кейин сайтимиз мухбири Бобур Икромов "Сўғдиёна" клуби сардори Акмал Холмуродовнинг ўйин ҳақида интервью олди.
"Ўйин жуда оғир кечишини билар эдик. Сабаби кетма-кет мағлубиятга учраётган "Нефтчи" ўз уйида ғалаба учун майдонга чиқиши аниқ эди. Биз ҳам Фарғонага уч очко учун борган эдик. Бош мураббийимизнинг кўрсатмаларига амал қилиб "Нефтчи"ни мағлуб этдик. Жамоамиз таркибида бу йил тубдан ўзгаришлар сабаб аввалги турларда футболчиларнинг бир-бирини ўзаро тушуниши қийин кечаётган эди. Шукрки, ҳозир ҳаммаси секин-аста жойига тушиб бормоқда. Турдан-турга ўз ўйинларимизни кўрсатишга ҳаракат қиляпмиз. Эртадан бошлаб водийнинг яна бир клубига қарши ўйинга тайёргарликнин бошлаймиз ва у ерда ҳам муваффақиятли ўйнаб Жиззах аҳлини хушнуд этамиз деган умиддаман".
Бобур Икромов
