Ўзбекистон Олий Лигасида 5-тур учрашувлари тўлиқ якунланди. Турнинг сўнгги ўйинида мағлубият нима эканлигини билмай келаётган «Бухоро» клуби «Андижон» устидан йирик ғалабага эришди.

«Бухоро» клуби бунга қадар ўтказилган 4 та ўйиннинг 2 тасида зафар қучган ва яна 2 тасида дуранг ўйнаганди. «Андижон» устидан қозонилган ғалабадан кейин жамоа турнир жадвалида 5-ўринга кўтарилиб олди.

Мазкур ўйиндан кейин Олий Лигада гол ўтказиб юбормаган клубнинг ўзи қолмади. 5-турдан кейин «Обод» ва «Шўртан»да бирорта ҳам ғалаба йўқ. Яна 6 та клуб мағлуб бўлиб улгурмаган.

Турнинг жадвалида уч клуб 13 тадан очко жамғарган: «Локомотив», «Бунёдкор» ва «Насаф». «Металлург»да 12, «Бухоро» ва «Қизилқум»да 11 очко мавжуд. «Пахтакор» 9 очко билан 7-ўринда бормоқда.

Олий лигаси, 5-тур. 17 апрель, якшанба
«Бухоро» — «Андижон» 5:2
Голлар: Азиз Ибрагимов, 9 (1:0). Азиз Ибрагимов, 11 (2:0). Неманя Йованович, 30 (2:1). Шавкат Саломов, 32 (3:1). Саламат Қутибоев, 61 (4:1). Отабек Валижонов, 77 (4:2). Суҳроб Неъматов, 87 (5:2).