24 апрель куни “Қўқон-1912” жамоаси Олий лига 6-тур доирасида Навоийнинг “Қизилқум” жамоасини қабул қилади. Якшанба куни бўлиб ўтадиган мазкур баҳс бу жамоаларнинг 9-учрашуви сифатида тарихда қолади.
Ўзаро ўйинлар
Бугунга қадар бу жамоалар Олий лига доирасида 8 марта тўқнаш келишган.
Ўйинларнинг олтитасида навоийликларнинг қўли баланд келган. Иккита учрашувда қўқонликлар ғалаба қозонишган. Тўплар нисбати 21-9, “Қизилқум” фойдасига.
Ўзаро ўйинларда “Қизилқум” 18 очко, “Қўқон-1912” эса 6 очко тўплаган.
Бу жамоаларнинг ўтган йили Қўқонда бўлган ўйинида мезбонлар 1:0 ҳисобида ғалаба қозонишган.
Ўйинларда қайд этилган натижалар билан танишинг:
25.09.2015
Қўқон 1912 – Қизилқум – 1:0
09.05.2015
Қизилқум – Қўқон 1912 – 3:1 (0:1)
05.10.2003
Қизилқум – Қўқон 1912 – 5:1 (2:0)
19.04.2003
Қўқон 1912 – Қизилқум – 1:3 (1:2)
30.11.2002
Қўқон 1912 – Қизилқум – 2:1 (0:1)
16.03.2002
Қизилқум – Темирйўлчи – 3:0 (2:0)
02.11.2000
Темирйўлчи – Қизилқум – 1:3 (0:1)
01.04.2000
Қизилқум – Темирйўлчи – 3:2
Факт: Бу жамоалар шу кунга қадар Қўқонда тўрта ўйин ўтказишган. 2002ва 2015 йилги учрашувларда “Қўқон-1912” ғалаба қозонган.
Собиқ жамоадошлар
Айни дамда жамоамиз шарафини ҳимоя қилаётган айрим футболчилар ўз вақтида “Қизилқум” клубида тўп суришган. Булар, Илья Ильин, Наврўз Алимов ва Миржалол Қурбоновлардир. Улар бўлажак ўйинда собиқ жамоаларига қарши майдонга тушишади.
Ҳакамлар
Қўқондаги Марказий ўйингоҳда бўлиб ўтадиган “Қўқон-1912” – “Қизилқум” учрашувини Темур Тўхтасинов бошчилигидаги ҳакамлар бригадаси бошқариб боради.
Олий лига
6-тур
24 апрель (якшанба)
«Қўқон-1912» (Қўқон) – «Қизилқум» (Навоий)
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Д. Акмалов (Тошкент)
Назоратчи: А. Попов (Тошкент).
ЎзПФЛ вакили: В. Лёткин.
Бошланиш вақти
Учрашув 24 апрель куни соат 16:30да бошланиши режалаштирилган. Бу жамоаларнинг ўринбосарлари ўртасидаги баҳс эса 23 апрель куни соат 16:00да бошланади. Барча мухлисларимизни ушбу ўйинга таклиф этиб қоламиз.
