“Обод” – “Бунёдкор” учрашувидан кейинги матбуот анжуманининг биринчи қисмида “қалдирғочлар” устози қатнашди.

- Олдиндан бизни қийин учрашув кутиб турганини билардик. “Лаҳвия” билан кечган баҳсдан сўнг тайёргарлик учун атиги икки кун вақтимиз бўлди холос. Ростини айтсам, кўп гол урамиз, деб ўйламагандим. Тўртта голли вазият яратдик ва уларнинг ҳаммасидан унумли фойдаландик. Шораҳмедов марказий ҳужумчи ролини аъло даражада бажарди. Ўша гол комбинациясини вазият тақозо этди. Шораҳмедов охиригача курашди ва гол урди. Савия жиҳатдан “Бунёдкор” рақибдан устун эди ва буни майдонда исботлади. Агарда “Обод” дастлабки 20-25 дақиқад давомида яратган вазиятларини голга айлантира олганида учрашувнинг бориши тамомила ўзгариб кетарди, - дейди Сергей Лушчан.