Бахтиёр Ашурматов бошқарувидаги “Андижон” жамоасини олий лиганинг навбатдаги турида жиддий рақиб кутиб турибди.
Мамлакатимизнинг етакчи клубларидан бири бўлган Қаршининг “Насаф” жамоаси айни дамда турнир жадвалида 3-ўринда эканлиги барчага яхши маълум. Осиё чемпионлар лигаси иштирокчиси бўлган “аждарлар” ҳар мавсум ўз олдига юқори мақсадларни қўйиб келади. Шу боис таркибида етакчи ижрочилар талайгина дейиш мумкин.
* 1997 йилдан буён олий лигада иштирок этиб келаётган “Насаф” ушбу йиллар давомида 9 марта бронза медалига эга чиққан (2000, 2001, 2005, 2006, 2009, 2010, 2013, 2014, 2015 йилларда).
* 2015 йил Ўзбекистон Кубоги соҳиби бўлган. 2016 йили эса Ўзбекистон суперкубогига эга чиққан.
* Эътиборлиси жамоанинг бугунги бош мураббийи бўлган Рўзиқул Бердиев “Насаф” таркибида энг кўп майдонга чиққан футболчи саналади, 314та ўйин.
* Жамоанинг энг яхши тўпурари эса Зафар Холмуродов саналади, 181та гол!
* “Насаф” ўз тарихида энг йирик ҳисобдаги мағлубиятини 1998 йили айнан “Андижон”дан қабул қилиб олган, 0:6.
* “Аждарлар”нинг энг йирик ғалабаси ҳам айнан “Андижон” билан боғлиқ, 8:1 (2004 йил)!
* “Насаф” ва “Андижон” жамоалари олий лигада ўзаро 34 маротаба тўқнаш келган. Натижалар қаршиликларнинг устунлигини кўрсатиб турибди. Шу кунга қадар “аждарлар” 22 маротаба ғалаба қозонган. Етти ўйин дуранг билан якунланган. “Андижон” шу кунга қадар “Насаф”ни 5марта мағлуб этган. Қаршиликлар ўзаро ўйинларда 81та тўп киритган. “Андижон” эса 42та! “Насаф” ўзаро учрашувларда 73 очко ишлаб олган бўлса, “бургутлар”да ушбу кўрсаткич 22тага тенгдир.
“Насаф” ўзаро ўйинларда “Андижон” устидан қозонган энг йирик ғалабаси – 8:1 га тенг бўлса, “Андижон”да бу кўрсаткич – 6:0 бўлиб турибди.
ҚАРШИДА ЎТГАН СЎНГГИ ОЛТИ УЧРАШУВ:
12.03.2015. «Насаф» – «Андижон» 3:1
01.10.2014 «Насаф» – «Андижон» 3:0
22.04.2012 «Насаф» – «Андижон» 4:0
06.03.2011 «Насаф» – «Андижон» 2:0
06.05.2010 «Насаф» – «Андижон» 3:1
23.03.2009 «Насаф» – «Андижон» 4:2
ЎТГАН МАВСУМ “НАСАФ” БИЛАН ҚАНДАЙ ЎЙНАГАНМИЗ?
Олий лига 2015да “Андижон” “аждарлар”га қарши ҳар икки баҳсда ҳам имкониятни бой берган. Чемпионатнинг 1-туридаёқ Қаршида “Насаф” меҳмони бўлган “бургутлар” шу куни 3:1 ҳисобида мағлуб бўлганди.
Иккинчи даврада Андижонда кечган баҳсда ҳам уч очко бой берилганди. Артур Геворкяннинг ягона голи эвазига қаршиликлар ортга ғалаба билан қайтган.
12.03.2015
Олий лига, 1-тур
“Насаф” – “Андижон” 3:1 (2:0).
Қарши. “Марказий” стадиони, 6246 томошабин
Ҳакам: Мурод Муҳамедов, 9.
Голлар: Артур Геворкян, 21, 45+1. Олександр Коблаш, 54. Рустам Аъзамов, 68.
“Насаф”: Ўткир Юсупов, Ботир Қораев, Илҳом Шомуродов, Рой Рок, Артур Геворкян, Баҳром Абдураҳимов (Шохруҳ Гадоев, 75), Эркин Бойдуллаев, Шерзод Аъзамов, Илҳом Юнусов (Акром Баҳритдинов, 62), Шуҳрат Муҳаммадиев, Олександр Коблаш (Фарруҳ Сайфиев, 82).
“Андижон”: Геннадий Мошняга, Даврон Турсунов, Раҳим Қодиров, Иброҳим Отахонов, Тимур Васильев, Рустам Аъзамов,Иқбол Акрамов (Сайриддин Ғаффоров, 33), Расул Раҳмонов, Фарруҳ Шотурсунов, Предраг Вуйович (Асқар Жадигеров, 78), Санжар Асқаралиев (Абдумалик Абдуллаев, 46).
Огоҳлантиришлар: Илҳом Юнусов, 39. Иброҳим Отахонов, 88.
02.08.2015. 16-тур.
“Андижон” – “Насаф” – 0:1 (0:1)
Андижон. “Соғлом авлод” стадиони 9522 томошабин.
Ҳакам: Виктор Серазетдинов – 8,5.
Гол: Артур Геворкян, 9-пен.
“Андижон”: Геннадий Мошняга, Даврон Турсунов, Рустам Аъзамов, Асрор Раҳмонов (Расул Раҳмонов, 60), Иброҳим Отахонов, Иқбол Бобохонов, Лочин Солиев (Абдулатиф Абдуқодиров, 46), Жавлон Гусейнов, Иқбол Акрамов, Санжар Асқаралиев (Шукур Жумабоев, 77), Умрилло Рамазонов.
“Насаф”: Элдор Суюнов, Мақсуд Каримов, Илҳом Шомуродов, Артур Геворкян, Шерзод Аъзамов, Шуҳрат Муҳаммадиев, Одил Ҳамробеков, Фарруҳ Сайфиев, Баҳром Абдураҳимов (Азамат Алланиёзов, 69), Эркин Бойдуллаев, Шохруҳ Гадоев.
Огоҳлантиришлар: Шуҳрат Муҳаммадиев, 23. Иқбол Бобохонов, 75. Иброҳим Отахонов, 87.
“НАСАФ” БУ ЙИЛГИ ЧЕМПИОНАТДА ШУ КУНГАЧА ҚАНДАЙ НАТИЖА ҚАЙД ЭТГАН?
1-тур
“Насаф” – “Шўртан” 2:1.
2-тур
“Олмалиқ” – “Насаф” 1:3.
3-тур
“Насаф” – “Обод” 1:0.
4-тур
“Пахтакор” – “Насаф” 1:1.
5-тур
“Насаф” – “Қўқон-1912” 1:0.
6–тур
“Бухоро” – “Насаф” 0:2.
“НАСАФ” ТАРКИБИДА ҚАЙСИ ФУТБОЛЧИЛАР ГОЛ УРМОҚДА?
“Аждарлар” олий лиганинг якунига етган 6та ўйинида рақиблари дарвозасига жами 10та тўп киритган. Ўз дарвозасидан эса 3та тўп ўтказиб юборган.
Илҳом Шомуродов ва Шерзод Аъзамов ҳозирча жамоа тўпурари бўлиб турибди. Уларнинг ҳисобида 2тадан гол бор.
1–тур
Артур Геворкян. Илҳом Шомуродов
2–тур
Баҳром Абдураҳимов. Дилшод Раҳматуллаев. Сайдулло Раҳматов
3-тур
Илҳом Шомуродов
4-тур
Бобур Абдухолиқов
5-тур
Шерзод Аъзамов
6-тур
Шерзод Аъзамов. Азамат Алланиёзов
“НАСАФ”ДАГИ АНДИЖОНЛИКЛАР
Бугунги кунда икки нафар андижонлик футболчи қаршиликлар шарафини ҳимоя қилаётганини ишқибозлар яхши билишса керак. Шаҳрихонлик Баҳром Абдураҳимов ўтган мавсум “Насаф” билан шартнома имзолаб, мана икки йилдирки “аждарлар” учун ўйнаб келмоқда. Айтиш лозимки, айни дамда Абдураҳимов “Насаф”нинг ҳақиқий етакчисидир.
Шунингдек “аждарлар” жорий йил ўз сафини яна бир андижонлик футболчи Ильдар Маматказин билан кучайтириб олишга эришди. Марказий ҳимоячининг илгари Баҳром билан бирга “Андижон” шарафини ҳимоя қилганини қўшимча қилиш лозим. Энди улара катта эхтимол билан 28 апрель, жума куни собиқ жамоасига қарши майдонга тушади.
