Россиянинг "Спартак" клуби бош мураббийи Дмитрий Аленичев жамоанинг голландиялик яримҳимоячиси Квинси Промес ҳақида фикр билдирди.
"Промес кетадими? Бун унинг ўзидан сўраш керак. Аммо Квинсига кўп клублар қизиқишмоқда. У Голландия термасининг яқинда бўлиб ўтган икки учрашувида зўр ўйнади, албатта, скаутлар уни кузатишгани аниқ. Биз суҳбатлашиб турибмиз. У ғалаба қозоишни истайди. Ҳа, Промес "Спартак"да узоқ вақт қолмоқчи, аммо ғалаба қозонишни ҳам истмоқда.
Моуриньо менга қўнғироқ қилиб Промесни сўраса? Мен Квинсини қўйиб юбормаслигимни айтар эдим. Мен билан ишлаб турсин", - дейди Аленичев.
Промес ушбу мавсум "Спартак"да 28 учрашув ўтказиб, 14та гол урган ва 7та голли узатма оширган.
