"Атлетико" ҳужумчиси Антуан Гризманн дўстларига Англия клублари унинг товон пулини тўласалар ҳам у ерга бормаслигини айтди дея хабар беради The Telegraph.
Аввалроқ, "Манчестер Юнайтед" унинг учун белгиланган 80 миллион евро товон пулини тўлашга тайёрлиги хабар қилинган эди. Бундан ташқари "Челси" ва "Манчестер Сити" ҳам Гризманнга жиддий қизиқиш билдирган.
"Атлетико" бош мураббийи Диего Симеоне примера чемпионлиги учун курашдан чиқиб кетган бўлсада янги мавсумда клубда қолишини футболчиларга айтди, бу нарса Гризманнни ҳам илҳомлантирди. У мадридликлар билан шартномасини узайтиришга тайёр.
Антуан бу мавсумда Испания чемпионатининг 37 учрашувида иштирок этиб, 21та гол урган ва 5та голга узатма оширган.
