“Ливерпуль” клуби бош мураббийи Юрген Клопп 30 учрашувда майдонга тушиб, 10 та гол киритган Роберто Фирмино кўрсатаётган ўйинлари ҳақида фикр билдириб ўтди.

«Фирмино ҳақида бошида ҳеч ким ҳеч нарса билмагани мени ҳайрон қолдирмади. Шунчаки, одамлар Германия футболи ҳақида кўп маълумотга эга эмас. Кўпчилик Фирмино билан шартнома имзолаганимизда хурсанд бўлишганди, лекин у “Бавария” ёки “Боруссия”да ўйнамагани учун, у ҳақида кўпчилик таасуроотга эга эмасди. Мен Робертони яхши билардим. Ўшанда “Ливерпуль” у билан шартнома имзолаганда, мен “улар буни қандай амалга оширди?” деб ўйлагандим.

Фирмино ўйиндан ўйинга яхши ўйнаб бораверди, шу сабабли ишонли ўйин намойиш этди. Футболчилар ҳақида шошилиб хулоса қилиш керак эмаслигини Фирмино амалда исботлаб берди», — деди Клопп Liverpool Echo билан суҳбатда.