“Қўқон-1912” – “Навбаҳор” учрашувидан кейинги матбуот анжуманининг биринчи қисмида “Қўқон-1912” жамоаси менежери Тоҳир Кападзе иштирок этди.

– Авваломбор, Қўқон ҳалқини, футболчиларни умуман барчани кейинги босқичга чиққанимиз билан табриклайман. Бугун дуранг ўйнаган бўлсак-да, икки учрашув натижасига кўра, чорак финалга чиқдик. Лекин ўйин осон бўлгани йўқ. “Навбаҳор” ҳам яхши шаклланган жамоа саналади. Шунинг учун бугунги баҳс шиддатли ўтди. Энг асосийси кейинги босқичга чиқдик.

– Чемпионат доирасидаги ўйинда жамоамиз ўйини чиқмаганди. Аммо ҳисоб бундай кўриниш олишини кутмагандик. Бугун эса ўша учрашувдаги мағлубиятни тасодиф эканлигини исботлаш учун майдонга тушгандик. Футболчиларимиз барча кўрсатмаларимизни тўғри бажарган ҳолда иродали ўйин намойиш этишди. Бунинг учун уларга миннадорчилик изҳор этаман. Давралар оралиғида таркибимизда бир қатор ўзгаришларни амалга оширишимиз керак.

Қўқонлик мухлислар талабчан. Уларни хурсанд қилиш учун қўлимиздан келган барча ишни амалга оширамиз.