“Атлетико” клуби бош мураббийи Диего Симеоне Европа Чемпионлари лигаси финалида “Реал” клубига қарши баҳсдан олдинги фикрлари билан ўртоқлашди. Аргентиналик мутахассис ҳар доимгидек ўз шогирдларидан муросасиз кураш ва максимум натижани кутмоқда.

«Ўйлайманки, гап-сўзлар — шунчаки гап. Одамлар нима хоҳлашаётганини муҳокама қилишларини эшитиб қоламан. Мен уларни маъносиз деб ўйлайман. Сен ҳозирги замон билан ҳамнафас яшашинг керак. Албатта, биз ўйинга жиддий тайёргарлик кўряпмиз. Бироқ “Реал” билан бўладиган ўйин натижаси мен истаган нарсага боғлиқ эмас. Ҳамма нарса қанчалар тайёргарлик кўришимизга боғлиқ», —  деди Симеоне УЕФА расмий сайтига берган интервьюсида.