Мадриднинг “Реал” клуби бош мураббийи Зинедир Зидан Европа Чемпионлари Лигаси финалида “Атлетико”га қарши бўладиган учрашув ҳақидаги фикрлари билан ўртоқлашди.

«Мен қатнашган финалларим менинг ҳотиржам бўлишимга ёрдам берадими? Менинг юрагимда босим. Лекин бу мураббийи учун бошқа нарса. Мен футболчи сифатида финалда ўйнаганман, энди бўлса мураббий сифатида қатнашяпман, бундан хурсандман албатта. Футболчиларим ажойим мавсумни якунига етказишмоқда. Финал – тортни устидаги олча бўлади. «Атлетико» ғалаба қозонадиган бўлса бу омадсизлик бўлмайди. Биз бу ерда бор кучимизни ишга солишимиз керак.

Криштиану Роналду ҳозир ўйинга 100 фоиз тайёр. Агар ўйин пайтида уни нимадир безовта қиладиган бўлса ҳаммаси ўтиб кетади. Бизнинг ўйиндаги мақсадимиз битта. Ҳамма тайёр. Бугун яхшилаб ухлаб оламиз ва эртага ажойиб ўйин намойиш этамиз. Эҳтиёткорлик билан ҳимояланишимиз керак. Ҳужумда ўзимизнинг қуролларимиз бор. Асосийси нима? Югуришимиз керак. Югуриш, югуриш ва яна югуриш», — Зиданнинг сўзларидан иқтибос келтирмоқда УЕФА матбуот хизмати.