«Реал» бош мураббийи Зайниддин Зидан «Ювентус» ва ўз жамоасининг айрим футболчилари ҳақида фикрларини билдириб ўтди.
«Мората Италияда анча ўсди. У яхши ва сидқидилдан ўйнамоқда. Воқеалар ривожи қандай бўлишини билмайман. Мората «Ювентус»да жуда яхши фаолият олиб бормоқда, туринликлар уни камида яна бир йилга олиб қолишни исташмоқда. Кўрамиз, ёзда нима содир бўлар экан. Ҳозирча бу ҳақда гапиришнинг мавриди эмас.
Погба – ажойиб ўйинчи. У «Реал»га тўғри келадими? У ҳар қандай жамоага тўғри келади. «Реал» барча маҳоратли футболчиларга қизиқади ва бу нормал ҳолат. Лекин Погба – «Ювентус» ўйинчиси. Биз уни ҳурмат қилишимиз керак.
Иско – «Реал» ўйинчиси. У ҳеч қаерга кетмайди. Мавсум энди якунланди. «Юве» қизиқаётган футболчиларни ёки трансфер масаласини муҳокама қилишга вақт бўлмади.
Дибала туринликлар сафида 21-рақамни олди. Бу рақам остида аввал мен ва Пирло ўйнаганмиз. У ўз ишини яхши бажармоқда. Дибала билан шахсан таниш бўлмасам-да, у ақлли йигит эканини айтиб ўтдим. Унинг боши жойида. Бу муҳим», – дейди Зидан.