Мадриднинг “Реал” жамоаси бош мураббийи Зинедин Зидан жамоани шакллантириш ва “Ювентус” ярим ҳимоячиси Поль Погбанинг клубга келиб қўшилиши масаласида ўз фикрларини билдириб ўтди.
“Мен ишларни доим мукаммал бажариб келганман ва бу Чемпионлар Лигасидаги ғолиблик сингари муваффақиятлар олиб келган. Аммо бу юксалишлар қаерда бўлиши ҳам катта аҳамият касб этади. Жамоага келиб қўшилганимга энди икки ой бўлди. Бир мақсад сари дадил ҳаракат қиладиган кучли жамоа тузишни истайман.
Поль Погба жуда иқтидорли футболчи, шу сабаб уни ўз сафида кўришни истаган жамоалар сони кўп. Аммо у “Ювентус” футболчиси”, деди Зидан.
