Москванинг «Локомотив» клуби янги мавсумдаги илк ўртоқлик ўйинини Тожикистон чемпиони «Истиқлол» клубига қарши ўтказади. Ўйин 26 июнь куни Душанба шаҳрининг “Марказий” стадионида бўлиб ўтади.

Ушбу ўртоқлик ўйини Тожикистон Республикаси мустақиллигининг 25 йиллигига бағишланган бўлиб, Душанбадаги Россия Федерацияси элчихонаси иштирокида ташкил қилинмоқда.

“Душанбада “Истиқлол” клуби билан ўйин ўтказиш тўғрисида таклиф олдик. Учрашув байрамона вазиятда ўтишини инобатга олиб, рози бўлдик. Мен Душанба шаҳрида туғилганман, улғайганман, футбол билан шуғулланганман. У ерга ташриф буюришдан бағоят хурсандман” – деди «Локомотив» бош мураббийи Игорь Черевченко.