«Арсенал» бош мураббийи Арсен Венгер маълумот беришича, «Лестер Сити» ҳужумчиси Жейми Варди ёзги трансфер пайтида катта эҳтимол билан ўз жамоасини тарк этмайди.
«Ҳозирги пайтда Варди — "Лестер" футболчиси. Билишимча, у "Лестер"да қолса ҳам керак", — дея Венгернинг сўзларидан иқтибос келтирди Goal.com.
Аввалроқ «Лестер» вице-президенти Айяватт Шривадданапрабха, "Арсенал" Жейми Вардига жиддий қизиқиш билдираётганига қарамай, ҳужумчининг жамоада қолиш эҳтимолини юқори баҳолаганди.