Бугун, олий лиганинг 13- туридан ўрин олган учрашувлардан бири, Ғузорда, "Шўртан" ҳамда "Пахтакор" жамоалари ўртасида бўлиб ўтади. Ушбу учрашув олдидан футболчимиз - Ғулом Рахмоновнинг ўйин ҳақидаги фикрлари билан қизиқдик.
- Жамоамиз сўнги турларда ўз ўйин услубини топиб ва уша ўйинига ҳос натижаларни қўлга киритишга эришаяпти. Жамоамизнинг "Пахтакор"га қарши учрашуви осон кечмаслиги аниқ. Аммо жамоамиз хар қандай рақибга қарши ишончли ўйнаб курашишга тайёр деб ҳисоблайман.
- "Пахтакор"ни қанот чизиқлари кучли деб ўйлайман. Шу сабабли эътиборимизни ҳам рақибнинг қанот чизиғида содир эта оладиган хавфларни бартараф этишга қаратамиз деб ўйлайман.
- Ўйиндан олдин башорат қила олмайман. Куч, ишонч ва бирдамликда ҳаракат қилган жамоага омад ҳам кўпроқ кулади деб ўйлайман ва жамоамга шу омадни тилаб қоламан.
