"Реал" бош мураббийи Зинедин Зидан "Вест Ҳэм" яримҳимоячиси Димитри Пайет ҳақида фикрлари билан ўртоқлашди.
"Пайет ҳар доим иқтидорли бўлиб келган, фақат 29 ёшига келиб ўзи лойиқ бўлган ҳурматни кўрмоқда. Катталар ичида ёшларга қаттиқ босим бўлади, Пайет мисолида футболчи фаолиятининг муҳим палласи эрта келиши шарт эмаслилигини кўрсатмоқда.
Пайет Франция терма жамоасидан четда қолганда ҳам ҳеч қачон таслим бўлмади, ҳозир нафақат Францияда, балки Европада энг иқтидорли ўйинчилардан бири эканлигини кўрсатмоқда. Пайет Европанинг исталган жамоасини кучайтира олади. У мураббийлар излаётган ҳужумкор яримҳимоячидир. Ҳар қандай клуб уни ўз сафида кўришни истаган бўлар эди", - дейди Зидан.