Венгрия терма жамоаси бош мураббийи Бернд Шторк Евро-2016 нимчорак финалида Бельгиядан учралган мағлубиятдан сўнг (0:4) фикрлари билан ўртоқлашди.

"Биз дунё рейтингида иккинчи ўринда турган кучли жамоага қарши ўйнашимизни тушунар эдик. Менинг жамоам ушбу мусобақадаги ўйини билан мақтовга лойиқ деб ўйлайман. Биз ўйиндан ўйинга кучайиб бордик, энди келажакка умид билан қарасак бўлади.

Албатта, Бельгия бугун ғалабага ҳақли эди. Уларни табриклайман. Жамоамнинг Евро-2016 да кўрсатган ўйинидан мамнунман. Йигитлар мусобақани бошларини юқори кўтарган ҳолда тарк этмоқдалар. Жамоамиз энг юқори ҳалқаро ўйинларда ҳам рақобат қилишга қодир. ЖЧ-2018 саралаш мусобақасига оптимизм билан қарамоқдаман", — дейди Шторк.