Германия терма жамоаси бош мураббийи Йоахим Лёв Италия терма жамоасининг Испания устидан қозонган ғалабаси борасида фикр билдирди.

"Бундесмураббий" жамоасининг чорак финалдаги рақиби ўйинидан олган таассуротларини ўртоқлашди. Германия чорак финал ўйинини 2 июль куни Италия билан ўтказади.

"Испанлар чарчаб қолишди ва тезкор, комбинацион ўйинларини кўрсата олмадилар. Аммо бу ерда италянларнинг ўйинини ҳам таъкидлаш керак. Бу жамоа рақибига бўш зоналар қолдирмайди, шунингдек, яккакурашларда кучли. Италия термасининг ўйини кучли таассурот қолдирмоқда", — дейди Лёв.