Исландия термасининг мураббийи Хеймир Хадльгримссон Англия терма жамоаси устидан қозонилган ғалабадан сўнг (2:1) фикрларини изҳор қилди.
"Биз учун ўтказиб юборилган тезкор гол шок бўлиши керак эди. Аммо жавоб тўпимиз ўйинни ўзгартириб юборди. Англия пенальтидан гол ургач, ғалаба қозондим деб ўйлади ва тезкор жавоб тўпидан сўнг ўзига келмади.
Мсобақа олдидан мақсадимиз — гуруҳдан чиқиш эди. Эндиги мақсадимиз — ҳар ўйинда ғалаба. Агар яхши тайёрлансак, исталган рақибни ютишимиз мумкин. Биз реалистмиз, таркиб бўйича Франция биздан устун, аммо йигитларга ишонамиз. Асосийси, улар ҳам ўзларига ишонишсин. Жамоада ўзига ишониш даражаси жуда юқори", — дейди Хадльгримссон.