"Локомотив” ва “Бунёдкор” жамоалари қарма-қаршиликлари доимо қизиқарли бўлиб келган.
1 июль, жума куни олий лига 15-тури доирасида бўлиб ўтадиган “Локомотив” – “Бунёдкор” учрашуви жамоаларнинг ўзаро ҳисобдаги ўн еттинчи тўқнашуви сифатида қайд этилади.
Демак, шу кунгача пойтахтнинг ушбу икки клуби бир-бирлари билан ўн олти маротаба рўбарў келишган. Ўзаро ўйинларнинг саккизтасида “қалдирғочлар”нинг қўллари баланд келган бўлса, тўрт учрашувда темирйўлчилар зафар қучишган. Яна тўрт ўйин эса дуранг натижа билан якун топган. Тўплар фарқи – 25:18, “Бунёдкор” фойдасига.
“Локомотив” ва “Бунёдкор” жамоаларининг ўзаро ўйинлари тўпурари – Сервер Жепаров ҳисобланади. Айни пайтда фаолиятини “темирйўлчилар” сафида давом эттираётган собиқ бунёдкорчи темирйўлчилар дарвозасини чемпионат доирасида тўрт маротаба аниқ нишонга олган.
“Локомотив” посбони Игнатий Нестеров дисквалификация туфайли “Бунёдкор”га қарши баҳсда майдонга туша олмайди.
Қуйида “Локомотив” ва “Бунёдкор” жамоаларининг “темирйўлчилар” мезбонлигида ўтган ўзаро ўйинлари қайдномаларидан келтирилган кўчирмалар ва киритилган голларни томоша қилишингиз мумкин.
ЛОКОМОТИВ – БУНЁДКОР 2:1
03.12.2007. 29-тур. Тошкент. ТТЙМИ стадиони. 6000 томошабин
Голлар: Сарвар Ибодуллаев 29 (1:0), Илҳом Мўминжонов 49 (1:1), Марсель Идиатуллин 60 (2:1)
Бош ҳакам: Рустам Саидов (Тошкент) – 8,6
ЛОКОМОТИВ – БУНЁДКОР 2:3
03.10.2008. 23-тур. Тошкент. “Жар” стадиони. 4113 томошабин
Голлар: Элёр Жаҳонов 12 (1:0), Сервер Жепаров 33 (1:1), Марсель Идиатуллин 44 (2:1), Сервер Жепаров 58 (2:2), Ривалдо 65 (2:3)
Бош ҳакам: Александр Петров (Тошкент) – 8,1
ЛОКОМОТИВ – БУНЁДКОР 0:2
04.04.2009. 4-тур. Тошкент. ТТЙМИ стадиони. 3871 томошабин
Голлар: Жоао Виктор 37 (0:1), Анваржон Солиев 46 (0:2)
Бош ҳакам: Валентин Коваленко (Тошкент) – 9,6
ЛОКОМОТИВ – БУНЁДКОР 0:4 (0:0)
09.04.2010. 4-тур. Тошкент. ТТЙМИ стадиони. 6010 томошабин
Голлар: Сервер Жепаров 60 (0:1), Жасур Ҳасанов 64 (0:2), Ривалдо 77 (0:3), Стевица Ристич 90+1 (0:4)
Бош ҳакам: Равшан Эрматов (Тошкент) – 9,6
ЛОКОМОТИВ – БУНЁДКОР 3:1 (0:1)
08.10.2012. 22-тур. Тошкент. “Локомотив” стадиони. 3812 томошабин
Голлар: Виктор Карпенко 3 (0:1), Акмал Холматов 73 (1:1), Артурос Фоменко 84 (2:1), Артурос Фоменко 88 (3:1)
Бош ҳакам: Равшан Эрматов (Тошкент)
ЛОКОМОТИВ – БУНЁДКОР 1:1 (0:1)
05.08.2013. 14-тур. Тошкент. “Локомотив” стадиони. 3225 томошабин
Голлар: Олександр Пишур 41 (0:1), Дилшод Жабборов 78 (1:1)
Бош ҳакам: Валентин Коваленко (Тошкент)
ЛОКОМОТИВ – БУНЁДКОР 1:2 (1:1)
28.08.2014. 18-тур. Тошкент. “Локомотив” стадиони. 5112 томошабин
Голлар: Забихилло Ўринбоев 18 (0:1), Фарҳод Тожиев 41 пенальти (0:2), Иван Милошевич 69 (1:2)
Бош ҳакам: Валентин Коваленко (Тошкент)
“ЛОКОМОТИВ” – “БУНЁДКОР” 3:0 (0:0)
13.04.2015. 4-тур. Тошкент. “Локомотив” стадиони. 3708 томошабин
Голлар: Темурхўжа Абдухолиқов 46 пенальти (1:0), Жасур Орзиқулович Ҳасанов 54 (2:0), Руслан Корян 88 (3:0)
Бош ҳакам: Равшан Эрматов (Тошкент)
