Англия терма жамоасининг собиқ футболчиси, ҳозирда футбол эксперти бўлиб ишлаётган Гари Линекер ўзининг ўткир ҳазиллари машҳур.
Евро-2016 чорак финалида Франция – Исландия учрашувининг иккинчи бўлими давом этаётан вақтда (4:0) у яна бир ҳазил сўзларни битди.
"Тушунмаяпман, нега биз Англия термасини танқид қилдик? Қаранг Франция Исландияга қарши қанчалар қийналмоқда", - деб ёзади эксперт ўз твиттерида.
Линекер сўзлари охирига бир кўзини қисиб турувчи смайл (кулгич) қўйди.
Эслатиб ўтамиз, Англия нимчорак финалда Исландияга 1:2 ҳисобида ютқазган эди.
